Sey waştena xo rojı ra ver rest sere koyı. Rojı pey koyan ra giran-giran sereye xo vetene. Merdimı winı zanitene ke sere e koyan de yew adiro girs wekerde bı u kila e adirı zı heta rıye asmenı bıbı berz, sey gonı sur asayene. Azad winı caye xo de şaşbıye mend. Heta ke roj rind bı berz u pey koyı ra vejıya winı qayıte rojı kerd. Eke deste ey ra biameyene ey a rindekıye winı bidayene vinetene. La hewre surı zereye tıja çeqere de bıbı vındı.
Edı sere gile koyı ra şıyene.Derudor pero bine lingane ey de mendıbı. Çiqas biwazo hende durı asayene. Tene ke şı reyna peyser agera u hete rojı ra ewnıya. Deşta Mose roştıya tıje de bıbı vındı. Her ca sey camî bereqıyayene. Eke yewe xerıbe uca ra qayıte deşte bikerdene, ey do bivatene uca derya yo. Nevinet, rayıre xo ra şi. Key ke ame duşte Koye Munzurı vindet. Pişta xo şanaye yew kemera sıyaye u ronişt.
Sey waştena xo rojı ra ver rest sere koyı. Rojı pey koyan ra giran-giran sereye xo vetene. Merdimı winı zanitene ke sere e koyan de yew adiro girs wekerde bı u kila e adirı zı heta rıye asmenı bıbı berz, sey gonı sur asayene. Azad winı caye xo de şaşbıye mend. Heta ke roj rind bı berz u pey koyı ra vejıya winı qayıte rojı kerd. Eke deste ey ra biameyene ey a rindekıye winı bidayene vinetene. La hewre surı zereye tıja çeqere de bıbı vındı.
Edı sere gile koyı ra şıyene.Derudor pero bine lingane ey de mendıbı. Çiqas biwazo hende durı asayene. Tene ke şı reyna peyser agera u hete rojı ra ewnıya. Deşta Mose roştıya tıje de bıbı vındı. Her ca sey camî bereqıyayene. Eke yewe xerıbe uca ra qayıte deşte bikerdene, ey do bivatene uca derya yo. Nevinet, rayıre xo ra şi. Key ke ame duşte Koye Munzurı vindet. Pişta xo şanaye yew kemera sıyaye u ronişt.
